Timur Karashaev

Timur Karashaev

Timur Karashaev (Dastan & Timur)[/b]

1989-jili 3-noyabr ku'ni No’kis qalasinda tuwilg’an. Shan’araqta tun’g’ish perzent.
O’mirdegi urani: Aldindag’i esikler siz ushin bekitilgen bolsa aynadan kirip bolsa da maqsetke erisip;
Jaqsi ko’rgen tag’ami: Palaw;
Jaqsi ko’rgen ren’i: Aq;
Qizig’iwshilg’i: Gitara shertiw;
Jaqsi ko’rgen sport tu’ri: Futbol;
Jaqsi ko’rgen qosiqshilari: Quwat Ametov, Bayram Perdebaev, Baxadir Razimbetov, Dawran Abdimov, DaNik

[b]Ta’lim-ta’rbiya’[/b]
Timur Karashaev 1996-jili paytaxtimizdag’i 17-sanli uliwma bilim beriw mektebine oqiwg’a bardi. 2000 jili 8-sanli uliwma bilim beriw mektebine ko’ship baradi. Mekteptegi birinshi ustazi Danabaeva Amangul. 6 klassta oqip ju’rgen Timur Otabek Madrahimov ‘Yor-yor kelinchak’ qosig’in saxnag’a atqarip shig’adi. 2005-jili uliwma bilim beriw mektebinin’ 9-klasin tabisli tamamlap, QMU janindag’i 1-sanli Akademiyaliq litseyinin’ ‘Ximiya-biologiya’ bag’darina o’z hujjetlerin tapsiradi. Litseyde oqip ju’rgen waqitlarinda bag’darlar arasinda o’tkerilgen ‘Quwnaqlar ha’m ziyrekler’ tanlawina qatnasip o’z belsendiligin ko’rsetedi. Sonday-aq, ‘Kamolot’ JJH ta’repinen Qaraqalpaqstan Respublikasindag’i orta arnawli oqiw orinlari arasinda o’tkerilgen ‘Quwanaqlar ha’m ziyrekler’ tan’lawinda Litseydin ALG komandasi sardari sipatina belsene qatnasqan.

[b]Timur:[/b] Mektepte sabaqlardan qaship futbol oynaw ushin ko’p waqit ajiratqan edim. Bul ushin mug’allimlerimnen a’jayip baqirislarda esitkenmen. Biraq sabaqlardan ha’miyshe joqari bahalarg’a oqig’anman.

[b]Shan’arag’im ta’rbiya oshag’im’[/b]
Shan’arag’imizda 7 adam bolip jasaydi. Shan’araq basshisi Orazbay Karashaev Timurdin’ jaqin sirlasi bolip, anasi Temirgalieva Miyirxan miyirman ana boliwi menen birge o’mirdegi aqilgo’yi. Inisi Nawrizbaev Nursultan Timurdin’ do’retiwshiligine uliwma qiziqpaytug’in sinshisi. O’mirlik joldasi Bijanova Mira o’mirdegi su’yenishi. Timurdin’ perzentleri Aqilbek ha’m Altinbekler o’mirinin’ ma’zmuni ha’m ko’zinin’qarashig’i.

[b]Timur: [/b]Usinday tinish-tatiw shan’arag’imnin’ barlig’ina min’-min’ shu’kirler aytaman

[b]Dastan menen da’slepki tanisiwim’[/b]
Dastan Bektursinov penen A’jiniyaz atindagi NMPI tariyx fakultetinde oqip jurgen waqitlari yag’niy, ‘Quwnaqlar ha’m ziyrekler’ tan’lawinda tanisqan Timur Karashaev 2010 jili birgelikte duet bolip qosiq aytip baslaydi. Birgelikte atqarg’an qosiqlari ko’pshilik iqlasbentlerine maqul bolip 2013-jili 27 mart kuni jeke ‘Sagina’ atli birinshi jeke konsert da’stu’rin iqlasbentlerin ina’m etti.
Timur: Dastan menen do’retiwshiligimizde qanday bolsaq, omirde de sonday jaqinbiz, birgemiz.

[b]Do’retiwshiligimdegi da’slepki qa’dem’[/b]
2008-jili jeke o’zi ‘Qalemedim’ atli qosigi menen da’slepki Estrada tarawina da’slepki qademin atqan Timur Karashaev aradan ko’p o’tpey ‘Dilfuza’ atli qosigin atqaradi.

[b]’Bir na’rsege erisiw ushin bir na’rseden waz keshiwge tuwri keledi eken’’[/b]
Qosiq aytiwga balalalig’inan qiziqqan Timur Karashaev ko’plegen ko’rkem o’ner dogereklerine qatnasadi ha’m qosiqlar atqaradi. Tiykarg’i bilim alg’an tarawi basqa bag’darda boliwina qaramastan ko’rkem o’ner tarawin tan’lag’an Timur Karashaev ko’rkem o’ner tarawinda bilim almag’aninao’kinedi. Ko’rkem o’ner tarawinda oqip bilim almasa da ustazi Quwat Ametovtan qosiq aytiw sirlarin uyrendi.

[b]Timur:[/b] Dastan & Timur dueti sipatinda taniliwimizg’a sebep bolgan ‘Suyemen’, ‘Tusinbedim’, ‘Biyopa’, ‘Boldi ket’, ‘Sagina’ qosiqlarimiz bolip esaplanadi.

Avtor: ikalo | Категория: BIOGRAFIYA | 24-10-2015, 21:13 |
Korildi: 6381 |
  
PIKIRLER 1
Fatal error: [] operator not supported for strings in /var/www/u0531657/juldizlar.com/index.php on line 309