D.Abdimov

Dawran Abdimov

1991-jili 9-mart ku’ni No’kis qalasinda tuwilg’an. Shan’araqta kenje perzent.
O’mirdegi urani: Imkaniyatlar sheksiz…;
Jaqsi ko’rgen tag’ami: Palaw;
Jaqsi ko’rgen ren’i: Ashiq ren’ler;
Qizig’iwshilg’i: Muzika do’retiw;
Jaqsi ko’rgen sport tu’ri: At sporti;
Jaqsi ko’rgen qosiqshilari: Dawitbay Qaipov, Quwat Ametov, Dj Miran, Qayrat Nurtas,

Ta’lim-ta’rbiya…
Dawran Abdimov 1997-jili paytaxtimizdag’i Ajiniyaz atindag’i 18-sanli uliwma bilim beriw mektebinin’ 1-klasina oqiwg’a bardi. 2000- jili Amet baqsi Tarixov atindag’i balalar muzika mektebinde Vokal, Fortepiano ha’m gitara shertiw sirlarin Qural Berdaqov, Ulbiybi Abdullaeva, Maxsud Abdullaevlardan muzika sirlarin u’yrenedi. Muzika mektebinde oqip ju’rgen jas Dawran gitara shertiw boyinsha 2004 jili Muxtar Ashrafiy atindag’i tan’lawdin’ Qaraqalpaqstan Respublikaliq basqishinda jen’impaz bolip, Respublika final basqishina Bawirjan Xamidullaev, Allanlar menen birgelikte jollama aladi. 2006-jili mektepti pitkerip, paytaxtimizdag’i No’kis ma’deniyat ha’m ko’rkem-o’ner kolledjinin’ “Estrada” bo’limine o’z hu’jjetlerin tapsiradi ha’m oqiwg’a qabillanadi. Ol kolledjdi 2009-jili tabisli tamamlap, 2011-jili O’zbekistan ma’mleketlik ko’rkem-o’ner instituti No’kis filialina oqiwg’a qabillanadi.

Dawran: Mektepte qiziqli waqiya bolg’an edi, 5 klass waqtimda joram menen sabaqtan qashiw maqsetinde 2 qabattin aynasinan papkalarimizdi taslap o’zlerimiz aylanip barsaq papka joq, joqarig’a qarap aynaga jigitler papka qayda dep baqirg’animizda mug’allim “Minda papka mende” dep baqirg’an edi.

Shan’arag’im ta’rbiya oshag’im…
Shan’arag’inda 7 adam jasaydi. Shan’araq basshisi Qaraqalpaqstang’a xizmet ko’rsetken artisti, “Dosliq” ordeni iyesi Jigerbay Abdimov Dawrannin birinshi ustazi, qollap-quwatlawshisi. Al, anasi Ayimxan Aqmurzaeva o’mir boyi S.Xojaniyazov atindag’i qaraqalpaq ma’mleketlik jas tamashago’yler teatrinda aktrisa bolip islep ha’zir miynet dem alisinda. Shan’araqta 5 perzent bolip, bir a’jag’asi, u’sh miyirman a’japasi bolip Dawran shan’araqta genjetay perzent.

Dawran: Menin’ shan’arg’im ko’rkem-o’ner mektebi bolip da’slepki bilimlerdi usi “MEKTEP”te alg’anman.

Ju’regimnen shiqan namalar…
Dawran Abdimov ta’repinen o’zi nama do’retip, o’zi atqarg’an qosiqlari ko’pshilikke unasa da lekin ba’rshe-ba’rshesinen o’zinin’ kewli tolmag’an. 20 g’a shamalas qosiqlar do’retken bolsa o’zinin’ kewlinen shiqqan qosiqlari “Aktrisa”, “Arziwlar”, “Tentek ju’rek”…

Avtor: ikalo | Категория: BIOGRAFIYA | 27-10-2015, 07:37 |
Korildi: 4461 |
  
PIKIRLER 1
Fatal error: [] operator not supported for strings in /var/www/u0531657/juldizlar.com/index.php on line 309